何謂「一路一帶」? 炒作空間何在？

近日股市熱到不得之了，原因當然係炒「一路一帶」啦～ 但乜野係「一路一帶」呢？ 炒作空間又何在呢？  

 

(圖片來源： news.cnyes.com)

「一路一帶」呢個概念係習主席2013時提出的，「一路」係指海上絲綢之路，「一帶」指係陸上絲綢之路，從中國到中東、中亞、歐洲等地嘅一條環帶路段，呢個海外貿易就係「一路一帶」～
拓展海外貿易空間可以話係可持續嘅貿易發展，中國人多錢多，係世界其中一個最多經濟體系之一，生產力亦十分高。不過近年來中國生產開始過剩，產量已經消化唔哂，開拓新出路先係上策，咁先可以平衡中國產能問題嘅同時，亦提升出口力、製造力等，從而步向第二個發展嘅紀元。
「一路一帶」呢個投資計劃嘅項目好多都係建於國外，呢啲投資可以加快其他國家同中國經濟嘅融合，有利中國係其他國家獲取資源，亦可以幫助中國輸出，同時可以加快人民幣國際化。
炒乜股票好？鐵路、公路、口岸、民航、能源等相關嘅股票係先炒，後炒係有油價、科技、出口、亞洲相關基金等等。可能你會講我馬後炮，因為呢兩日都炒到飛起咗，但如果真係咁睇好「一路一帶」，一定唔會炒一日兩日，等佢回回再諗諗。但可以肯定一句，「一路一帶」推出，再加埋亞投行，中國正開始計劃大大步走出國際，其國際地位係未來十年會有好大變化，相信仲係有好多不同嘅動作，成個棋局開始左，大家等睇戲呀～